„Да исчезне се“ нова песна и спот на D’Reamers

Синиша Карафилоски и Јордан Џејмс Ивановски во нивниот заеднички проект D’Reamers ја промовираат својата трета песна “Да исчезне се”. Композицијата доби и видео запис, кој денес ексклузивно ви го преставуваме, снимен во GreenRoom Sound Studio, со сите протагонисти кои се јавуваат како изведувачи, продуценти, репрезенти на самата мелодија.

“Првично, видеото беше изработено пред 2 месеци, но после долги консултации, сфативме дека покрај ова официјално видео, самиот аудио запис добива и втор спот, односно една ретроспектива, која и беше како првична идеа за официјалниот спот, но, гледаме дека трендовите се движат кон одредена насока, и сакаме овој таказамислен тренди спот да биде примарен пред преостанатиот“, изјавија креаторите на спотот.

Музиката и текстот за оваа песна ги направија Синиша Карафилоски и Дамир Пух кој исто така се потпишува и на аранжманот, додека вокалната изведба е на Јордан Џејмс Ивановски и Наташа Миха која се јавува како специјален гостин и ко-автор на текстот.

Синиша и Џејмс велат дека во  финална фаза е и нивната четврта песна. Минатата година, D’Reamers ги создадоа песните Карма и Милион зборови.