DAVA Гостивар секојдневно дели храна, за Рамазан со нов термин: Трпезата на сиромашните да не се разликува од онаа на богатите!

Хуманитарната организација DAVA од Гостивар ќе продолжи да подготвува и дели оброци за сиромашни семејства и болни и за месецот Рамазан, со промена на терминот за делење на оброците кои се подготвуваат во кујната. Ќе се даваат и дополнителни пакети со храна. е раздвижено, а членовите и волонтерите вредно ја подготвуваат храната, која потоа се донира на сиромашни семејства и на болни лица.

 „Во нашата хуманитарна кујна подготвуваме храна секој ден и овој проект ќе продолжи и во текот на месецот Рамазан, само со промена на терминот. За болните кои немаат услови за пост и граѓаните кои не се од муслиманска вероисповед, нашите браќа Македонци, оброците ќе се делат во 15 часот, наместо во 10 часот како до сега. Во текот на овој месец, хуманитарната кујна Дава ќе подготвува и пакети со храна и тоа класифицирани за семејства од 3, 5,7 и 10 члена. Сакам да апелирам секое лице и семејство со загрозен социјален статус од Гостивар и околината, да дојдат тука кај нас за да им помогнеме. Ќе бидеме на услуга 24 часа на ден. Ќе се обидеме трпезата на сиромашните да не се разликува од трпезата на богатите. На сите муслимански верници им посакувам свет месец Рамазан.“, вели Муса Хусеин од DAVA.

Организацијата Дава се наоѓа на ул „Светозар Пепоски“ близу „Комуналец“. Оние кои имаат потреба од помош може да ги исконтактираат и на телефонскиот број 070-665-575.