Дебелината се шири како епидемија

Летото е период кога сите сакаат да изгубат дел од тежината, да изгледаат поубаво и послабо. За оние со само неколку килограми повеќе, да го постигнат саканото доволно е зголемена физичка активност, поголема количина течности и повеќе зеленчук и овошје. Но, за оние кои хронично страдаат од прекумерна тежина, слабеењето не е нималку лесно.

Дебелината е болест при која се таложат масти во организмот. Луѓето најпрво мислат на изгледот, кога зборуваат за дебелината, сепак на прво место треба да се стави здравјето и последиците од прекумерната тежина. Истражувањата покажале дека повеќе од 2 милијарди возрасни луѓе и деца во светот страдаат од здравствени проблеми поради нивната тежина. Тоа значи дека една третина од светската популација има вишок килограми, што е предизвикано од лошата исхрана, современиот начин на живот и намалената физичка активност.

Дека дебелината како епидемија се шири меѓу луѓето, докажува и фактот што од 1980 година до сега се дуплирал бројот на дебели лица. Прекумерната тежина и дебелината се едни од петте главни причини за зголемена смртност. Од компликации поради дебелина годишно умираат 2,8 милиони возрасни лица. Поконкретно, 44% поради дијабетес, 23% од исхемична срцева болест и друго.

Која е вашата идеална тежина може да пресметате преку индекс на телесна маса (BMI – body mass index), што всушност го покажува односот помеѓу тежината и висината на едно лице.Вредноста се добива по следната формула:

Нормалната вредност на индексот се движи од 18,5 до 24,9. Ако индексот на телесна маса ви е поголем од 25, се смета дека имате покачена телесна тежина. Доколу е помал, се смета дека личноста не е доволно ухранета.