Кората од лубеница – извор на добро здравје

Во жешките летни денови парче лубеница секако е добредојдено за освежување. Речиси сите ја сакаат и често ја конзумираат, но има нешто што ретко кој го знае за кората од овој зеленчук, па така таа обично завршува во ѓубрето. Нареден пат кога ќе пресечете лубеница, искористете ја и кората. Еве зошто:

Кората од лубеница е богата со витамини А, Б6 и Ц како и калиум, магнезиум и цинк кои се многу корисни за човековото здравје, даваат енергија и го одржуваат организамот во добра форма. Исто така, содржи и ликопен, моќен антиоксиданс кој штити од сериозни болести. Уште една придобивка е цитрулинот – амино киселина која организмот ја користи за да создаде друга амино киселина, преку која се исфрлуваат отрови од телото.

Тврдењата за лековитоста на кората од лубеницата одат до таму што се смета дека 95% од хранливите вредности на лубеницата се токму во тој дел.

Кората од лубеницата за жал нема вкус, па потребни се трикови за да ви биде попривлечна за јадење. Може на пример да се исецка на мали парчиња и од нив да се направи салата или да се јаде измешана со туна или пилешко. Друга опција е да ја изрендате и да направите смеса што ќе се користи како додаток во јадењето.