Демонстрации во Германија против испораките на оружје – Масовен протест во Чешка, бараат воена неутралност и руски гас

Околу 100.000 луѓе вчера излегоа на улиците на Прага да протестираат против владата, барајќи од владејачката коалиција да стори повеќе за да го контролира поскапувањето на енергенсите, а тие го кренаа гласот и против Европската унија и НАТО.

Чешка мора да се ослободи и да не биде директен политички поданик на ЕУ, СТО и ОН, беше наведено во поканата за протестот.

Организаторите на демонстрациите, кои доаѓаат од бројни десничарски групи и помали групи, вклучувајќи ја и Комунистичката партија, рекоа дека Чешка треба да биде воено неутрална и треба да обезбеди директни контакти со Москва за да обезбеди евтин гас, објави Ројтерс.

Во германскиот град Касел дошло до судир меѓу полицијата и демонстрантите кои излегле на улиците затоа што се против испорака на оружје, меѓу другото и за Украина, соопшти полициската управа во Северен Хесен.

Како што е наведено, околу 200 демонстранти со плакати се собрале рано изутрината во реонот на компанијата од одбранбената индустрија. Демонстрантите кренаа транспарент на кој пишуваше „Стоп за испораката на оружје“.

Kassel, heute, 6:15 Uhr.

Die Hüter des patriarchalen Kapitalismus in Aktion.

“Zurück, sonst gibt’s Knüppel und Schlagstock” pic.twitter.com/MJoZTKhkoC

— RHEINMETALL ENTWAFFNEN (@REntwaffnen) September 2, 2022

Полицијата употреби бибер спреј и палки против демонстрантите кои во петокот рано наутро, се обидоа да го блокираат влезот на фабрика за оружје. Најмалку едно лице е уапсено.

Активистите на движењето „Разоружи го Рајнметал“ повикуваат на национални протести во обид да се запре производството и испораката на оружје за Украина.