Рецепти

Денес почестете се со вкусна гостиварска алва

Објавено

пред 7 години

на

18/04/2018

Од

Gostivarpress.mk

Рецептот за овој десерт кој е многу вкусен и едноставен за правење, се пренесува од колено на колено во домовите во Гостивар и гостиварско повеќе од еден век. Постарите раскажуваат дека во минатото најчесто го правеле за веридба, односно кога стројниците оделе да ја побараат раката на невестата. Тогаш знаеле да кажат: „благо да јадеме, благо да зборуваме“. Во стариот рецепт се користи какао, додека во новата верзија чоколада. И едната и другата варијанта се неодоливи за оние кои го сакаат благото.

Состојки:

1 чаша (од 150мл) вода
2 чаши масло
6 чаши шеќер

6 чаши брашно

1 чаша чоколада во прав или какао
по желба лешници, бадеми, ореви сецкани

Подготовка:

Во длабок сад ставете масло, вода и шеќер и ставете да се вари. Брашното помешајте го со какаото. Откако шеќерот ќе се стопи и смесата ќе зоврие, полека ставајте го брашното со какаото со мешање. Мешајте уште неколку минути додека смесата не се соедини, брашното треба да се свари. Ставете ги оревите. Ставете ја смесата во помало плехче и израмнете ја со лажица. Кога ќе се излади исечете на коцки.

Сподели ја веста:

Поврзани теми:

Следнo

Таратур- идеален за во пролет

Не пропуштај

Салата „Пролетно будење“ , убав микс за освежување