Гостивар
Депресијата и нервозите стануваат се` почести меѓу младите во Гостивар
Младата популација се` почесто доживува удари врз здравјето и станува жртва на болестите на модерното време. Депресија, несоници, анксиозност се дел од дијагнозите коишто гостиварските лекари ги среќаваат кај пациенти и во порана возраст.
Како еден од најзначајните ризик фактори за кревкото здравје на младите го наведуваат стресот предизвикан од секојдневните проблеми и предизвици. Од службата за Брза помош во Гостивар, велат дека за таквите пациенти кога доживуваат криза, медицински тим на повик реагира со лекови за смирување. За долготрајно лекување, неопходна е помош од психијатри и психолози.
„За жал, како лекари се` повеќе гледаме млади кои имаат проблеми со депресии, анксиозност и слично. Тоа е веројатно поради кризата, некои семејни проблеми, невработеноста. Стресот е навистина голем фактор за здравјето. Ете, на пример ни доаѓаат и млади пациенти со покачен крвен притисок, што исто така може да се препише на стресот“, рече д-р Фларуше Османи, раководител на Брза помош во Гостивар.
Лекарите нагласуваат дека доколку една млада личност непрекинато е под голем притисок кој предизвикува анксиозност и исцрпеност, последиците по здравјето може да бидат сериозни. Затоа, советуваат како прво младите да ги менуваат своите навики и да водат поздрав живот. Почнувајќи до умереност во исхраната, конзумирањето алкохол, поголема физичка активност, но и да си најдат доволно време за одмор и спиење.
Како корисна антистрес мерка ги посочуваат занимавањето со некое хоби, поминување квалитетно време со семејството и пријателите, прошетките во природа и слично.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар