Детска недела во градинките во Гостивар со работилници, музика, игри, посети

Како и секоја година, првата недела од месец октомври е целосно посветена на децата преку традиционалната Светска недела на детето. По тој повод, детските градинки во Гостивар кои функционираат во склоп на ЈУДГ ,,Детска Радост“ организираат низа активности интересни, креативни и едукативни за дечињата.

„Целата недела е програмски опфатена со содржини и активности согласно возраста на децата од 2 години до поаѓање на училиште. Децата имаат права и обврски, вложувањето во најмалите е стратешка инвестиција за нашата иднина“, наведуваат од управата на градинките.

Во склоп на настанот предвидени се ликовни активности со учество на родителите, посета на градоначалникот, ден за традиционални игри, музички хепенинг, како и посета на детска градинка во соседниот град Тетово.

Детската недела годинава се одбележува под мотото ,,Јас и светот околку мене“.