Девет пехари за Ски клубот Сноуспорт од Гостивар изминатава ски сезона 2018/19

На 29 мај во Скопје, Скијачката федерација на Македонија, организираше доделувања признанија за најуспешните млади скијачи за севкупен пласман во слалом и велеслалом од алпски куп и државните првенства, во сезоната 2018/2019.

Свечено доделување на пехарите се организира за прв пат на ваков начин после долго време, а младите скијачи од државата, распоредени по категории У8, У10, У12, У14 и У16 машки и женски, задоволни од изминатата сезона, заслужија таква чест.

„Сноуспорт ски клубот од Гостивар се избори за девет пехари од сите натперварувања. Владимир Петков, Валентино Бошкоски и Слаѓана Стојаноска се најдобри во своите категории. Марио Бошкоски е второ пласиран, а Војдан Стојаноски е четврти во У10 машки. Од идната сезона нови членови на Сноуспорт ќе се и Јована Калеников, Бранко Калеников и Даријан Калеников, кои треба да бидат иднината на клубот„ велат од Сноуспорт.

Од клубот јавно им се заблагодаруваат на сите поддржувачи и спонзори.