Џафери: Очекувам да се исполни цензусот и да продолжиме по патот на евроатланските интеграции

Претседателот на Собранието, Талат Џафери утрово го оствари своето право на глас и гласаше на избирачкото место 0502 во гостиварското село Форино, по што даде изјава за медиумите.  „Очекувањата се процесот да тече мирно, како што беше и во првиот круг, нема причина да не биде така. Очекувам да се исполни цензусот на излезноста на граѓаните на изборните места и да се избере претседател, со што би се обезбедила функционалноста и на оваа државна институција, при што би се овозможило нормален тек на работите по оној правец, по кој веќе се движи државата, патот кон евроатланските интеграции. Доколку цензусот не биде исполнет, согласно со Уставот, јас како претседател на Собранието во соодветно определеното време  треба да распишам нови избори, значи да се повтори целата постапка.“, изјави Џафери.