Доматите – спас од проширени вени

Со проблеми поради проширени вени на нозете се соочуваат многу луѓе. Причините се различни, долго стоење на нозе, бременост, генетски наследено…Проширените вени не се само естетски проблем, туку и сериозен здравствен. Покрај медицинскиот третман, во голема мера во лекувањето може да ви помогне народната медицина. Дали сте слушнале дека доматите уште во дамнешно време се користеле против проширени вени? Тие содржат ацетилсалицилна киселина, која освен ублажување на болка има улога и во разредување на крвта, односно делува како антикоагулант. Флавоноидите пак, кои ги има во доматот ги зајакнуваат ѕидовите на крвните садови.

За лекување проширени вени може да користите црвен или зелен домат. Постапката е следна:

Доматот треба добро да се измие, по што се сече на тенки кругови. Тие се поставуваат на местата со проширени вени, се врзуваат со завој и се чуваат 3 до 4 часа. При тоа, се препорачува одмор и да се избегнува движење. Откако ќе се извадат местото треба да се исплакне со ладна вода.

Третманот со домат треба да трае две до три недели и да се прави секојдневно.

Совет плус: За сите кои ги мачат проширени вени се препорачува конзумирање на: лук, ананас, лимон, сливи, алое вера, пивски квасец. Да се носат соодветни обувки, да не се прекрстуваат нозете при седење, да се регулира телесната тежина.