Македонија
Државата дава до 400 евра за ПВЦ или алуминиумски прозорци и до 250 за сончеви колектори
Министерството за економија ги објави јавните огласи за надоместување на дел од трошоците за купени и вградени ПВЦ или алуминиумски прозорци и за сончеви термални колекторски системи.
За прозорци домаќинствата може да добијат до 50% од платената сума, но не повеќе од 25 илјади денари по домаќинство. Услов е прозорците да бидат купени и монтирани во периодот по денот на објавување на огласот (17 мај) до 30 јуни 2019.
Преку мерката за надоместување на дел од трошоците за купени и вградени сончеви термални колекторски системи во домаќинствата, се надоместуваат до 30% од направените трошоци, но не повеќе од 15 илјади денари. За субвенциите може да аплицираат домаќинства кои купиле и вградиле сончеви колектори по денот на објавување на огласот (17 мај) до 30 јуни 2019 година.
Доделувањето на надоместот ќе се врши по принципот „прв дојден прв услужен’’, сѐ до искористување на предвидените средства за оваа намена.
Барањата заедно со потребната документација, треба да се достават во затворен плик до Министерство за економија. Сите детали од огласите може да ги најдете на веб страната на Министерството.
Двете мерки се дел од Програмата за промоција на обновливи извори на енергија и поттикнување на енергетска ефикасност во домаќинствата за 2019 година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар