Два физички напади во Гостивар

МВР информира дека вчера (15 октомври) во 18.30 часот во Полициската станица Гостивар, ученик во средно училиште во Гостивар пријавил дека околу 16.30 часот во кругот на училиштето две лица од селото Добридол, кои ги познавал, дошле и започнале физичка пресметка со него и неговите другари, при што едниот од нив со остар предмет му нанел повреда на раката.

Друг случај на физички напад е пријавен од 20 годишен гостиварец. Тој пријавил дека  вчеравечер околу 1 часот и 40 минути по полноќ во и пред угостителски објект во Гостивар бил физички нападнат од три лица, сите од Гостивар. МВР соопшти дека се работи на расчистување на двата случаи.