Гостивар
Две години непребол – Гостивар оддава почит на жртвите во автобуската несреќа
Денешниот датум пред две години беше црн и траорен за Гостивар, поради кобната сообраќајна несреќа на автопатот Скопје-Тетово, кај селото Ласкарци, која однесе 16 човечки животи. И по две години гостиварци со тага и жалење го спомнуваат трагичниот настан, што ја стресе целата земја. Автобусот на Дурмо Турс, кој тргнува кон Гостивар од скопската автобуска станица во 16.15 часот со 51 патник, излета од коловозот, ги проби банкините, падна и се преврте на стариот дел од патот.
Во несреќата животите ги загубија: Дејан Ристоски, Раметула Абдураими, Валдете Хамити, Јовица Трпевски, Бесим Фетаи, Онур Садику, Есат Емрули, Ајдин Исмаили, Бејза Узеири, Зоран Давидовски, Бобан Аврамовски, Трпана Јаневска, Павле Костоски, Арсе Арсоски, Ферди Касо и Ерза Османи.
Владееја болка и неверување за згаснатите животи, беа прогласени денови на жалост, се одржаа комеморативни седници во спомен на жртвите. Гостивар го посетија многу државници, кои изразија сочувство и се потпишаа во книгата на жалост.
На жителите од селото Ласкарци, кои први притрчале да помагаат при несреќата, општината им додели благодарници.
Минатата година, спортски клубови покренаа иницијатива, годишнината од несреќата да се одбележи со Меморијален марш, кој се одвиваше од самото место на настанот кај Ласкарци до градскиот плоштад во Гостивар.
Меморијален марш ќе има и годинава, но поради временските прилики рутата ќе биде пократка. Ќе започне во 16.30 часот кај наплатната рампа Гостивар и ќе заврши на плоштадот. Претпладнево, во 11 часот, организаторите и градоначалникот Арбен Таравари ќе положат цвеќе на местото кадешто се случи несреќата.
За автобуската несреќа обвинети се шест лица, судскиот процес се‘ уште тече.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот