Две гостиварски училишта добија грантови за развој на мултикултурализмот

Министерството за образование и наука им додели грантови на средното економско училишта во Гостивар и на основното училиште во Чегране за реализација на активности за развој и унапредување на мултикулурализмот, меѓуетничката интеграција и толеранција. Училиштата претходно аплицираа на јавниот повик што го објави Министерството.

Основното училиште “Прпарими“ од Чегране проектот ќе го реализира во партнерство со радовишкото училиште „Никола Карев“, додека економското училиште активностите ќе ги спроведе самостојно.

Основната цел на овие грантови е промовирање на активности во кои се негуваат хармонични односи кои се темелат на почитување на разликите, притоа градејќи едно мултиетничко и мултикултурно општество, успешни и ефективни училишта кои ќе ги промовираат мултиетничките и мултикултурните вредности.

Висината на грантовите за училиштата е 30 илјади денари, а проектите треба да се реализират до крајот на учебната година