Еден од условите да донирате конвалесцентна плазма е да имате над 55 килограми

Министерството за здравство информираше дека досега 661 пациент е третиран против ковид со крвна плазма, а обезбедени се 802 единици од 729 донори.

„Дарувањето конвалесцентна плазма е највисокиот чин на хуманост. Оздравените пациенти имаат можност да им помогнат на оние пациенти кои во моментов се борат со КОВИД-19. Да бидеме солидарни и грижливи, да спасиме човечки животи.“, апелира МЗ.

Конвалесцентна плазма може да дарува лице оздравено од инфекција со ковид и исполнува одредени услови: да имa документиран лабораториски доказ дека било болно од COVID-19, дијагностички тест – позитивен RT-PCR тест или позитивен тест за анти – SARS-CoV-2 антитела, без разлика дали имало симптоми или било асимптоматски, позитивен серолошки тест за анти – SARS-CoV-2 антитела по оздравување (IgG), доколку не било спроведено дијагностичко тестирање, минимум 28 дена пред дарување по комплетно повлекување на сите симптоми или по завршувањето на изолацијата, или по комплетно повлекување на сите симптоми минимум 21 ден пред дарување е потребно: Негативен RT-PCR, по позитивен серолошки тест за IgG анти – SARS-CoV-2 антитела

Освен овие услови дарителот мора да биде на возраст од 18 до 60 години со телесна тежина поголема од 55 килограми.