Европската недела на спортот одбележана во градинката Пчелка во Гостивар

Дечињата од градинката Пчелка во Гостивар беа вклучени во одбележувањето на Европската недела на спортот, што ја организира Агенцијата за млади и спорт на Република Македонија. Активноста се спроведе во соработка со КК Гостивар и општината.

Во посета на градинката денес беа преставник на Агенцијата Петар Миноски, тренерот Петар Ангелов, двајца млади кошаркари, како и преставник на граѓанскиот сектор Дарко Миовски. За децата се одржа кратко предавање на тема спорт и спортски навики, им беа поделени маички со логото на кампањата „be active“ по што следуваше дружба со гостите и спортистите, заедно со раководителот на градинката Ајет Максут Чако.

Дружбата заврши со заедничка вежба во дворот на градинката и со ветување од најмладите дека ќе практикуваат вежбање и спорт. Миноски најави дека во следната прилика за градинката ќе обезбедат и спортски реквизити за полесно одржување на спортските активности.