Физички напад во Гостивар поради сообраќајна несреќа

Гостиварец бил пренесен во болница со повреди здобиени по  сообраќајна несреќа. По несреќата дошло до физички напад.

СВР Тетово информира дека вчера (29 јули) било пријавено дека во 18.25 часот, на ул.,,Илинденска“ пред бензинска пумпа во Гостивар, се случила сообраќајна незгода помеѓу патничко возило „опел корса“, со гостиварски регистарски ознаки, управувано од С.Д. на возраст од 35 години од Гостивар и мотоцикл „баотиан“, со гостиварски регистарски ознаки, управувано од А.Б. на возраст од 28 години од Гостивар.

„По незгодата, на местото пристигнал М.А., татко на А.Б., и физички го нападнал С.Д.  А.Б. бил пренесен во Медицински центар Гостивар за укажување на лекарска помош. Увид на лице место извршила екипа од Одделение за внатрешни работи Гостивар.  Се преземаат мерки за целосно расчистување и документирање на случајот.“, информираат од полицијата.