КК Гостивар за три поени покус од Феникс 63-66

Екипата на Феникс 2010 успеа да им го нанесе вториот пораз по ред пред своја публика на кошаркарите на КК Гостивар, славејќи во натпреварот од 5. коло кое се одигра викендов 63-66.

Првото полувреме донесе израмнета и доста неефикасна игра на двете страни, првиот период им припадна на гостите добивајќи го (18-19), вториот им припадна на домаќините (14-13), за на паузата се замине со вкупно 64 поени, при резултат 32-32.

Во вториот дел двете екипи се менуваа во водството, но никој немаше доволно снага да направи поголема резултатска разлика, се до минута ипол пред крајот кога Феникс успеа да стигне до +7 разлика, до крајот на натпреварот гостиварци успеаа да намалат на -3 поени, но немаше повеќе време за целосен пресврт.

Максим Митевски беше убедливо најдобар поединец на теренот, но ја немаше поддршката од своите соиграчи, запиша 18 поени и 7 скокови, кај Феникс се истакнаа Џозеф Рис и Метјус Кларк со по 16 поени.

КК Гостивар од 5 натпревари сезонава има 2 победи, во следното коло му гостува на ТФТ Скопје.