Поврзи се со нас

Вести Гостивар

ГАКУД „Браќа Ѓиноски“ одржа концерт на народни ора и песни во чест на Велигден

Со голем велигденски концерт во Центарот за култура „АСНОМ“, гостиварското градско аматерско културно уметничко друштво „Браќа Ѓиноски“ ја отвори годинешната концертна сезона. Пред домашната публика, во 70 минутна програма на сплетови на народни ора и песни, се претставија фолклорната секција, оркестарот, најмладите членови на друштвото како и пејачите Перо Пандилоски и Славко Зафировски.

Од ГАКУД „Браќа Ѓиноски“ велат дека се задоволни од велигденскиот концерт и споделија дека во натамошниот период ги очекуваат уште настапи и концерти.

„Во текот на овој месец имаме гостувања во Македонски Брод, каде учествуваме традиционално на манифестацијата Велигденски кули. Во мај ќе настапуваме во Трница, Маврово и во Тетово, а на почетокот на јуни гостуваме во Брвеница. Во август традиционално друштвото ќе земе учество на Меѓународниот фолклорен фестивал Балканот пее и танцува, во Бугарија“ , вели секретарот на друштвото Анте Тодороски.

ГАКУД „Браќа Ѓиноски“ е едно од најстарите културно-уметнички друштва во Македонија, кое функционира скоро седум децении, со остварени над 700 концерти во земјава, гостувања во странство и учества на фестивали и манифестации.

Сподели:
Остави коментар

Напишете коментар

Advertisement
Advertisement
Advertisement
Advertisement

Отворени огласи за вработување во полог:

- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!