Вести
Германија: За употреба на пластични кеси казна до 100 илјади евра
Германската влада донесе закон со кој се забранува користење на пластични кеси во малопродажба и се предвидени драконски казни за непочитување на ова правило.
„Пластичните кеси се симбол за избезуменото трошење на ресурсите. За нивното производство се користи нафта, а само неколку минути се во употреба. И најчесто тие завршуваат во природа, каде се потребни години да се распаднат “, рече германскиот министер за екологија Свена Шулце при презентирање на законот.
Таа објасни дека употребата на пластични кеси од 2016 година, кога владата и трговците на мало постигнале договор за намалување на нивната употребата, драстично се намалилa од 70 кеси по глава на жител во 2015 година, на 20 во 2018 година.
„Забраната треба да ја намали употребата на кеси на нула“, објасни Шулце.
Забраната не се однесува на кеси со дебелина помала од 15 микрометри, тоа се оние кеси што се користат во малопродажба за пакување овошје и зеленчук.
Министерката објасни дека забраната не важи за овие кеси бидејќи дополнителното индустриско пакување на овошје и зеленчук ќе предизвика уште повеќе пластичен отпад. Кесите за отпадоци исто така се ослободени од забраната.
Предвидената казна за непочитување на овој закон е до 100.000 евра.
Одлуката на владата треба да ја потврди и германскиот Бундестаг.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ