fbpx
Поврзи се со нас

Гостивар

Гимназијата во Гостивар дел од меѓународен проект „Мирот започнува со насмевка“

Објавено

на

Гостиварската гимназија активно се вклучи во меѓународниот проект „Мирот започнува со насмевка“, поддржан од Регионалната канцеларија за младинска соработка (RYCO. Преку серија на работилници поврзани на тема говор на омраза, гимназијалците имаа можност да се поврзат со нивните врсници од Сараево (Босна и Херцеговина), Подгорица (Црна Гора) и од беровската гимназија „Ацо Русковски“.

Поради епидемиолошката состојба проектот се реализираше преку платформата Zoom. Работилните се организираа под водство на д-р. Татјана Срчева и активистката Жана Живадиновиќ од Скопје.

„Нашето училиште, е гимназија со долгогодишна традиција во која учат ученици на албански, македонски и турски наставен јазик и во која секогаш постоела позитивна клима на соработка и меѓусебно разбирање. Со оглед на тоа дека во Гостивар живеат луѓе од различни националности и споделуваат исти идеи и социјални предизвици, нормално е дека младите луѓе ќе бидат засегнати од истите. Иако, генерално нема голема социјализација по етничка основа, има позитивна клима за промена на оваа слика. Како главен предизвик во овој правец е говорот на омраза, кој е најмногу застапен на социјалните мрежи. Со цел младите да бидат во можност да го препознаат и разобличат ваквиот негативен тренд потребно да е да се едуцираат. Преку серијата на работилници кои беа спроведени во изминатиот период учениците имаа можност да разменат информации и идеи, да споделат искуства и да развијат вештини за начините на препознавање и сузбивање на говорот на омраза.“, информираа од гимназијата.

Координатори на проектот беа училишниот педагог Мирела Ибраими и професорката по англиски јазик Снежана Китаноска, со поддршка на директорот на училиштето Мирсад Исеини.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!