Гостивар
Гостивар и босанската општина Цазин ја продлабочуваат соработката
Градоначалникот на Цазин (Босна и Херцеговина), Нермин Огрешевиќ денес беше во посета на Општина Гостивар и оствари средба со градоначалникот Арбен Таравари. Двајцата општински челници потпишаа протокол за соработка и разговараа за воспоставување поблиски пријателски односи и заеднички проекти од различни области.
Таравари му посака добредојде и го пофали градоначалникот на Цазин, општина за која рече дека е една од поуспешните во БиХ.
„Ми претставува задоволство денеска да ни биде гостин градоначалникот на Општина Цазин, господинот Нермин Ограшевиќ, кој веќе четири мандати раководи со општината, која пак е меѓу поуспешните општини во Босна и Херцеговина. Разговаравме за унапредување на соработката во повеќе сегменти, образование, спорт, култура, туризам. Како и за организација на регионална конференција за вработените во администрацијата од повеќе општини од Западен Балкан.“ рече Таравари.
Градоначалникот на Цазин се заблагодари за гостопримството на домаќинот и рече дека се надева дека оваа посета нема да остане само на ниво на градоначалници, туку ќе придонесе да се поврзат граѓаните на овие општини.
„Мило ми е што денеска сме во Гостивар, се заблагодарувам на сите за гостопримството, посебно на градоначалникот што издвои време за оваа моја посета и покажа интерес за соработка со градот Цазин. Нашата идеја беше подобро да се запознаеме со Гостивар, размениме искуства околу функционирањето и решавањето на проблемите кои се слични, што сигурно позитивно ќе се одрази на двете страни. Нашата цел е оваа посета да не биде само на ниво на градоначалници, туку да ги поврзиме граѓаните на овие два града преку разни активности“, истакна Огрешевиќ.
Градоначалниците разменија подароци кои ги симболизираат општините кои ги водат и посетија дел од знаменитостите на Гостивар.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар