Гостивар ќе добие покриен базен

Заменик директорот на Агенцијата за млади и спорт Газменд Ристеми, денеска најави дека во Гостивар ќе се гради покриен базен.

– Процедурите се во тек, веќе е избрано идејно решение за овој проект, се чекаат потребните документи од општината. Базенот ќе биде во дворот на ОУ Гоце Делчев. Првичната намена на базенот ќе биде за учениците од основните и средни училишта од Гостивар, а во текот на распустот базенот ќе биде отворен за сите.

Според проценките базенот треба да се изгради за година и шест месеци. Изградбата на базенот во Гостивар е дел од проектот на Агенцијата за млади и спорт во кој треба да се изградат 29 базени во општините, за кои ќе се издвојат вкупно 1 милион и 450 илјади евра од буџетот на државата.