Култура
Гостивар ќе го чествува 24 Мај со поетскиот фестивал „Литературни искри“
Празникот на сесловенските просветители браќата Кирил и Методиј, 24 Мај во Гостивар и оваа година ќе се одбележи во духот на поезијата. Меѓународниот поетски фестивал „Литературни искри“ го доживува своето шесто издание. Подготовките за манифестацијата се веќе при крај, а организаторите информираат дека на фестивалот со свои стихови ќе блесат петнаесетина квалитетни поетски имиња од земјава и од странство.
„Нема сомнеж дека и годинава „Литературни искри“ ќе приредат уживање за љубителите на пишаниот збор. Веруваме дека подготовките кои траеа неколку месеци ќе ги крунисаме во петок со голем и впечатлив поетски настан. Да потсетиме дека годинава на конкурсот се пријавија рекордни над 160 домашни и странски автори, од кои жири комисијата ги избра финалистите, кои ќе се претстават на фестивалот и кои влегоа во трка за наградите.“, велат организаторите од Здружението за култура и заеднички вредности „Слово 21“.
Фестивалот доделува Гран При, Прва, Втора и Трета награда, како и награда за Најдобар странски автор и Најуспешна млада поетска искра. Песните годинава ги оценуваше жири комисија во состав: како претседател Виолета Танчева Златева, истакнат поет, раскажувач, лектор, член на Друштвото на писатели на Македонија, и членовите Лулзим Хазири, поет и Гордана Страшевска, професор по македонски јазик.
Манифестацијата ќе се одржи во малата сала на Центарот за култура АСНОМ во Гостивар со почеток во 12 часот. Програмата предвидува и промоција на заедничката збирка на најдобро оценети поети и музички настапи на младите таленти Теодора Матеска, Ристе Брчиоски и Гентијана Јашари.
Годинешното издание на МПФ „Литературни искри“ се реализира со поддршка на Министерството за култура, Општина Гостивар и спонзори.
Gostivarpress.mk е медиумски партнер на манифестацијата.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар