Гостивар: Раскинал со девојката, па ги злоупотребувал нејзините фотографии

Во Полициската станица во Гостивар, 46-годишен жител на гостиварска Горна Бањица пријавил случај на злоупотреба на лични податоци. Во пријавата навел дека лице од Долна Бањица, кој претходно бил во љубовна врска со неговата малолетна ќерка, по раскинувањето започнал да испраќа фотографии со контроверзна еротска содржина на нивни роднини, пријатели и на самите родители. Фотографиите ги испраќал од својот компјутер и од мобилен телефон. Инаку, контроверзните фотографии ги добил од девојката додека биле во врска.

Од полицијата соопштуваат дека работат на целосно расветлување на пријавеното и апелираат до граѓаните да бидат внимателни какви податоци, фотографии и слично споделуваат на интернет со оглед на тоа што многу лесно може да станат жртва на злоупотреба.