Гостивар се збратими со црногорскиот туристички град Улцињ

Со потпишување на Повелба за пријателство и соработка денес се официјализираше збратумивањето меѓу Гостивар и Улцињ. Документот го потпишаа градоначалниците Арбен Таравари и Омер Бајрактари.

„Гостивар има и други општини со кои е збратимен во БиХ, Хрватска, Бугарија, Косово и Албанија, а сега сме уште побогати со ново пријателство со Улцињ, Црна Гора. Имаме многу заедничко, доста наши луѓе таму живеат и работат. Тоа е добро познат град за нас гостиварци, затоа што знаеме многу често летните одмори да ги поминуваме таму. Посебно заодовлство ми е што развиваме подлабока сораотка, се надевам на заеднички екоиномски проекти, но и активности во образование,култура, спорт кои може да не‘ зближат уште повеќе“, изјави Таравари.

И неговиот колега Бајрактари искажа задоволство од постигнатата соработка и надеж дека во иднина ќе се реализираат заеднички проекти и ќе се унапредат пријателските односи.

На потпишувањето на Повелбата присуствуваше и Амбасадорката на Црна Гора, Марија Петровиќ.

Гостите потоа ја проследија свеченоста по повод Денот на општина Гостивар, 23 Декември.