Гостивар
Гостивар порача: Не сте сами!-Поддршка за жените во борбата против рак
Во пресрет на 8 Март, Денот на жената, во Гостивар се одржа настан посветен на жените коишто се борат против канцер. На присутните им беа поделени розови панделки, кои се симбол на борбата против рак на дојка, имаа можност да слушнат совети од лекари специјалисти, а како подарок добија ваучер за фризер.
Настанот го организираше здружението When in Trouble, во соработка со здружението за борба против рак „Борка, за секој нов ден“.
„Целта ни е пред 8 Март, да обрнеме внимание на жените кои се борат со малигни заболувања, да ја искажеме нашата поддршка и да им покажеме дека не се сами. Им благодарам на сите кои дојдоа и дадоа свој придонес во настанот“, рече претседателката на When in Trouble, Билјана Беловинова.
Поддршка за жените кои се борат против канцер е потребна секогаш, не само кога има кампањи, нагласи претседателката на здружението „Борка“, Биба Додева.
„Целата иницијатива на настанот е да се даде поддршка, не само во време кога е месец на рак на дојка, не само кога сме активни со кампањите, туку и во време кога сме оптоварени со ковид, а не смееме да го заборавиме животот и секојдневните проблеми со кои се соочуваат овие жени. Тие ќе добијат ваучер за бесплатни фризерски услуги, знаеме дека косата паѓа и тоа еден од големите проблеми со кои се соочуваат жените. Борка овозможува бесплатни перики, а еве преку ваучерот после терапијата ќе одат на фризер бесплатно, да направат фризура, да се чувствуваат женствено, затоа што ракот не означува смрт“, истакна Додева.
Еден од лекарите што се обрати на настанот беше онкологот од Гостивар, Илир Исмаили.
„Како што знаеме карциномот на градата е водечки од сите карциноми кај жените. Во земјава имаме од 750 до 800 новодијагностицирани секоја година. Во оваа прилика би сакал да истакнам дека превенцијата на карцином на градата е многу важна, значи да се прави самопрегледи, ехо, мамографија“, рече д-р Исмаили.
Своја поддршка на настанот даде и градоначалникот на Гостивар, Арбен Таравари.
„Чест ми е што сум денес дел од овој настан, заедно да придонесеме за повисока свест за превенција и да ја дадеме поддршка на жените кои се соочуваат со рак на дојка Наскоро во Гостивар започнуваме со скрининг за што побрзо откривање на оваа болест и се ќе биде финансиски покриено од страна на локалната самоуправа.“, рече градоначалникот.
Меѓу присутните беа пратеници од Гостивар, членови на општинскиот совет, медицинари, граѓански здруженија итн.
Организаторите доделија благодарници на лекарите и поддржувачите.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар