Гостиварците Анастасоски и Лазарески ќе се натпреваруваат на Светското првенство во скијање во Италија

Гостивар има огромна скијачка спортска сила. На Светското првентство во скијање кое се одржува од 7 до 21 февруари годинава во Cortina d’Ampezzo – Италија, Гостивар има четири претставници. За учеството на браќата Петкови веќе објавивме, а сега ви ги претставуваме скијачите Влатко Анастасоски и Мирко Лазаревски.

Седумнаеесет годишниот Влатко Анастасоски, е член на ски клуб “Фокс” од Гостивар и долгогодишен член на Македонската репрезентација во алпско скијање. Влатко во недела патува за Италија со надеж за што повисок пласман во дисциплините слалом и велеслалом.

Мирко Лазарески е роден 2003 година, член е на скијачкиот клуб „Меденица“, младински репрезентатицец во алпско скијање, се натпреварува во дисциплините слалом и велеслалом. За двајцата скијачи ова ќе биде прво учество на едно вакво големо натпреварување.

Првата трка на која ќе настапат нашите репрезентативци е 19 февруари од 10 часот, кога се вози велеслалом. Втората е два дена подоцна, во недела на 21 февруари во дисциплината слалом.

Дека Гостивар комплетно го владее овој спорт, потврдува и фактот, тренерот на скијачката репрезентација на Македонија, долгогодишниот репрезентативен скијач и олимпиец Антонио Ристески е исто така по потекло од Гостивар.