Гостиварец се здобил со изгореници по телото, неговата жена на рацете во пожар во нивниот стан

Во пожар кој се случил во стан во Гостивар вчеравечер потешко бил повреден гостиварец, а со изгореници се здобила и неговата жена.

Четириесетгодишниот Б.Ј во гостиварската општа болница „Ферид Мурат“ бил донесен околу 22 часот 20 минути со изгореници по телото. „Додека спиел во дневната соба од засега неутврдени причини избувнал пожар, кој за кусо време го изгаснала неговата сопругата, која се здобила со изгореници на рацете“, соопшти Министерството за внатрешни работи.

По укажаната лекарска помош, гостиварецот бил пренесен во скопските клиники, каде е задржан за натамошно лекување. Полицијата соопшти дека презема мерки за расчистување на случајот.