Гостиварец застанува на чело на СВР Тетово

Раководното место во Секторот за внатрешни работи Тетово од денес официјално е во рацете на гостиварецот Амир Далипи. Како што соопштија од СВР, Далипи зад себе има повеќегодишно професионално искуство, а на позицијата началник на СВР Тетово доаѓа од Секторот за внатрешна контрола и професионални стандарди при Полициската станица Гостивар.

По официјалното назначување во Министерството за внатрешни работи денес, Далипи на својот фејсбук профил напиша: „Денес ја преземам задачата на началник на СВР Тетово и ќе дадам се од себе за  доброто на нашите граѓани и за нашата земја. Борбата против сите криминални профили ќе биде бескомпромисна, од која нема да бидат поштедени ни полицајци! Никој не е над законот!“