Гостиварецот Нанков победник на 22-рата Ораторска вечер на Правниот факултет во Скопје

Гостиварецот Нинослав Нанков го освои првото место на традиционалната Ораторска вечер на Правниот факултет во Скопје, која се одржа синоќа. Нанков победата ја понесе за говорот посветен на потребата од реформи во судството, во конкуренција на десетина говорници. „Нема слобода, ако судската власт е зависна од законодавната и од извршната власт.“, порача младиот оратор од Гостивар, преку цитатот на францускиот филозоф и писател Монтескје.

Со Ораторската вечер, која годинава се одржа по 22-ри пат, се одбележува Меѓународниот ден на човекови права – 10-ти декември, датум кој истовремено е и Ден на факултетот за правни науки при Универзитетот Св. Кирил и Методиј.

Инаку, гостиварската јавност го познава Нинослав како талентиран актер и водител.