Гостиварка паднала од балкон обидувајќи се да ја поправи ролетната

Педесетгодишна гостиварка завршила на скопските клиники, откако паднала од балкон врз мермерни плочки.

Како информираат од СВР, вчера околу 16 часот и 30 минути пријавено е дека педесетгодишна гостиварка паднала од дрвено столче од балконската тераса додека се обидувала да ја поправи ролетната на прозорецот.

Од паѓањето на мермерните плочки под балконот, кој немал ограда, задобила повреди на главата и со медицинско возило пренесена е во гостиварската болница, стои во соопштението.

По укажаната помош, итно префрлена е и задржана на скопските клиники. Извршен е увид и се расчистува случајот.