Гостиварки дел од Интернационална женска мировна организација

Во Гостивар викендов беше формиран огранок на Интернационалната женска мировна организација. При тоа на посебен настан беа презентирани целите и мисијата на организацијата, како и  меѓународната Декларација за мир, преку која ќе се реализираат мировни проекти и активности во кои ќе бидат вклучени жените.

„Ја промовираме во Гостивар Интернационалната женска мировна организација и формираме локален огранок во кој може да членува секоја жена која ќе пројави интерес“, рече Њомза Шаќири една од членките на организацијата.

Свое обраќање пред гостиварки имаше и Беса Кадиру од тетовскиот огранок. „Целта на организацијата е да се фокусира на подигнување на свеста кај луѓето за вреднување на мирот“, потенцираше Кадриу.

За Декларацијата зборуваше претставичката на организацијата од Јужна Кореја, Софија Ким: „Оваа декларација треба да биде имплементирана како меѓународен закон, преку кој се цели да се донесе мир во светот за идните генерации. Се надевам дека и овде во Гостивар сите жени, мајки ќе соработуваат за истата цел“

Интернационалната женска мировна организација е создадена во 2013 година.