Гостиварски театар наскоро со нова премиерна претстава

Театарската сцена и љубителите на драмската уметност во Гостивар повторно ќе се израдуваат. Во Гостиварски театар периодов се работи на подготовка на нова претставата. Станува збор за претставата „На земја“,во режија на Калтрина Тефику, чија премиера според најавите, се очекува на крајот од месецов.

„Генералната проба е веќе закажана за 17 јули и планирано е премиерата да се случи некаде на крајот од месецот. Се надеваме дека со оваа претстава Гостиварски театар ќе го привлече вниманието на публиката и дека тоа ќе биде еден успешен проект, што е добро и за театарот, за гледачите и за градот“, рече директорот на театарот Арбен Адеми.

За следната година, установата аплицирала за поддршка од Министерството за култура за реализаицја на четири премиери, кои ќе ги режираат Бурхан Амити, Афродита Нухиу, Фатмир Исени и Ѓорѓи Ризовски. Исто така, за во 2022-ра планира и гостување на меѓународен театарски фестивал во Бурса, Труција за која манифестација театарот добил покана од организаторите.

Гостиварски театар беше формиран со одлука на Владата на крајот од 2018-та година. Како нова културна установа, театарот се соочува со низа предизвици за кои се прават напори постепено да се надминуваат.