Гостиварскиот уметник Зенки со изложба во Кавадарци

Вчеравечер во Музеј Галерија во Кавадарци беше отворена изложба на академскиот ликовен уметник од Гостивар, Луан Зенки. Пред кавадаречките љубители на уметноста Зенки се претстави со дваесетина дела, работени во техника масло на платно.

На отворањето на изложбата свои обраќања имаа Весна Ѓорѓиева, директор на Музеј галерија и  Александар Малинков, директор на  Домот на култура “Иван Мазов – Климе“ во Кавадарци. За делата и уметничкиот израз на Зенки зборуваше професорот Решат Амети.

Изложбата е дел од настаните во склоп на Меѓународната ликовна колонија “Кавадарци – Михајлово 2018“ посветена на уметникот Ристо Соколов Сокол, а е организирана во соработка меѓу  Домот на културата и Музеј Галерија Кавадарци, со поддршка на Министерството за култура на Република Македонија.