Гостивар
Градинки Гостивар: Трпези со традиционални јадења ги сплотија најмалите
Дечињата од сите етнички заедници кои ја посетуваат градинката „Пролет“ во Гостивар, денес другаруваа и се запознаваа со различните традиции и култури. Тие имаа можност да вкусат традиционални специјалитети од македонската, албанската, турската и ромската кујна, коишто беа подготвени специјално за оваа пригода.
Настанот се организираше во рамки на мултиетнички проект што го спроведува Здружението Дрита агв, во соработка со Општина Гостивар.
„Ова е убав начин дечињата да се дружат меѓу себе и да се запознаат со различните култури. Сакаме да испратиме една порака на добар соживот, на разбирање и почитување на различностите.“, рече раководителката на општинскиот Сектор за образование, Аслијан Снопче.
Жаклина Пауновска Анѓеловиќ, од здружението рече дека задоволството да се работи со деца на вакви активности е огромно. „Искуството да се работи со намалите е навистина импресивно, затоа што тие се многу искрени. Се` што сакаме да постигнеме е да изградиме заедничко општество и еднаквост за сите’, изјави таа.
Задоволни и среќни што имаа прилика да ги покажат и потврдат заедништвото и мултиетничкиот дух на Гостивар, беа и домаќините.
„Ние сме еден мултиетнички град кадешто сите, сплотени заедно живееме и токму со тие вредности треба да растат децата“, изјави Мирјана Мицоска, директор на детските градинки во Гостивар.
На трпезите со традиционална храна се најдоа познати специјалитети како тавче гравче, различни пити, сутлијаш, селска тава, колачиња и други кои дечињата со задоволство и љубопитност ги вкусија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар