Граѓани од гостиварски села ќе гласаат во приватни објекти и во џамија

Најголемиот дел од граѓаните на гостиварската општина на октомвриските локални избори ќе гласаат во училишта. Речиси сите Избирачки места на територијата на општина Гостивар, како и во претходните изборни циклуси се распределени по основните и средни училишта. Исклучок има во неколку села кои се наоѓаат на поголема оддалеченост од градот. Така во Печково, Долно Јеловце и Ќафа, Избирачките места се сместени во приватни објекти и граѓаните таму ќе го остваруваат своето гласачко место. Дел од гласачите во Равен, ќе гласаат во простории на месната заедница на селото, додека во Чајле има гласачко место во џамија.

Листата со описи на Избирачките места во Република Македонија ја објави Државната изборна комисија на својата веб страница.

Инаку, во општина Гостивар има вкупно 121 избирачко место.