Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 10/01/2019 | 13:42

Херојски подвиг – Македонија се пласираше на Европско првенство во одбојка

Одбојкарите на македонската репрезентација вчера напишаа историја, за прв пат се пласираа на Европското првенство во одбојка.

Во последното коло од квалификациите македонската селекција во Скопје ја победи Унгарија со 3:0. Овој резултат на македонската репрезентација и овозможи како една од петте најдобри второ пласирани екипи да се пласира на Европското првенство.

Иако во пресрет на дуелите од последната квалификациска рунда црвено-жолтите беа во тешка позиција и не зависеа само од себе, сепак вербата дека чуда се случуваа се исполни. Успехот на нашата репрезентација силно одекна во одбојкарска Европа, европската одбојкарска федерација пласманот на одбојкарите го означија како најпријатното изненадување.

Учесници на ЕП 2019 кое ќе се одржи од 13 до 29 септември, првпат во 4 држави се: Франција, Белгија, Холандија, Словенија (домаќини), Македонија, Австрија, Белорусија, Бугарија, Чешка, Естонија, Финска, Германија, Грција, Италија, Црна Гора, Полска, Португалија, Романија, Русија, Србија, Словачка, Шпанија, Турција и Украина.

Напишете коментар