Хоџа од БЕСА: Поднесувам оставка од функцијата министер за земјоделство

Министерот за земјоделство, Арјанит Хоџа од Движење БЕСА на прес конференција информира дека се повлекува од функцијата.

„Како што реков и минатата недела поради нарушување на демократијата на локалните избори од страна на дел од оваа Влада, на чело со виценпремиерот од ДУИ, каде беше повредено правото на демократијата со манипулативни методи, a за жал тоа продолжи во текот на вчерашниот ден. Затоа се поднесувам оставка од функцијата министер, заедно со двајцата заменици министери. Затоа што не можеме да го идентификуваме нашето политичко дејствување како Беса со коалиционен партнер за кој јасно се гледа дека користи недемократско дејствување само за да останат на власт“, рече Хоџа.