Хроника Гостивар: Свекор ја нападнал снаата, физичка пресметка пред маркет, напад во двор на куќа

Полицискиот билтен за вчерашниот ден (9 април) во гостиварскиот регион бележи три настани врзани со физички напади.

Во 14.50 часот 30 годишиот Д.Ф. од Гостивар пријавил дека околу 14 часот во двор од семејната куќа во Гостивар, по претходна расправија, бил физички нападнат од М.Д.

Во 16.15 часот, 29-годишна жена од Гостивар пријавила дека околу 13.30 часот на селските гробишта во Врапчиште била физички нападната од нејзиниот свекор.

Во СВР Тетово вчера исто така било пријавено дека пред маркет во Гостивар дошло до нарушување на јавниот ред и мир со физичка пресметка помеѓу две лица, на возраст од 60 и 61 година, двајцата од селото Чајле.

Полицијата за сите три случаи извести дека се преземаат мерки за нивно расчистување.