Хрватската Амбасадорка кај Таравари: Политика, евроинтеграции, соработка-теми на разговор

Актуелните политички состојби во земјава, енергетската криза, евроинтеграциите, како и можностите за соработка меѓу гостиварската и општини во Хрватска беа теми на разговор на денешната средба меѓу хрватската Амбасадорка, Нивес Тигањ и градоначалникот на Гостивар, Арбен Таравари.

Амбасадорката, меѓу другото најави дека лекари од Хрватска ќе соработуваат со свои колеги од гостиварската болница за да ги пренесат своите знаења и искуства.

„Чест и задоволство ми е да бидам во Гостивар и да разговарам со градоначалникот за ситуацијата во Гостивар но и во целата Северна Македонија, во контекст на силна поддршка на евроинтеграциите, пренесување на нашите искуства од преговарачкиот процес, користење средства и фондови. Билатерално во смисла, соработка со општината Света Недеља со која Гостивар е збратимен. Ние покренавме иницијатива за соработка меѓу клинички центар во Хрватска и болницата во Гостивар, хрватски лекари стручњаци од одредени области да остварат соработка со Гостивар“, рече Тигањ.

И градоначалникот изрази задоволство од средбата и посетата на Амбасадорката.

„Посебна чест и задоволство ми е што ја имаме во посета Амбасадорката на Хрватска. Разговараме за општи теми актуелните политички состојби, меѓуопштинска соработка, знаете многу граѓани од Македонија живеат и работат во Хрватска. Би сакал да кажам дека ние веќе сме збратимени со хрватската општина Света Недеља.“, рече Таравари.

Тигањ во Општина Гостивар беше пречекана со букет цвеќе.