Гостивар
Хуманитарната организација DAVA храни 250 сиромашни семејства во Гостивар секој ден
Повеќе од една година хуманитарната организација Дава со својата народна кујна обезбедува оброци за сиромашни семејства на подрачјето на Гостивар. Овие хуманитарци поддаваат рака во секој дом каде е неопходна помош, без оглед на националната или верска припадност.
Велат „Никој на овој свет не треба да биде гладен“ и секојдневно несебично вложуваат од своето време и труд да им се најдат во најтешкото на загрозените граѓани. Во голем број домови носат топли оброци, а кај оние семејства кои можат сами да си ја подготват храната им доставуваат намирници.
„Кога се разгоре пандемијата во Гостивар, престанавме да готвиме во кујната, бидејќи работевме и со болни луѓе и не сакавме да го загрозиме нивното здравје. За тоа време, само им носевме намирници. Со стабилизирање на ситуацијата, по еден месец пауза, повторно ја отворивме кујната и започнавме да ја готвиме бидејќи има толку многу луѓе кои не можат сами да си подготват јадење.“, рече Муса Хусеин од Дава.
Хуманитарната организација Дава секојдневно храни околу 250 семејства во гостиварскиот регион. Бројката двојно се зголемила откако почна пандемијата.
„Претходно беа околу 130 семејства, а сега таа бројка стигна до 250. Сепак, ние успеваме да одговориме на потребите. Функционираме со донации, но не земаме пари, туку им кажуваме на тие што сакаат да помогнат да купат храна во маркетите, која потоа ја подготвуваме и делиме. Кога некое семејство бара помош од нас, најпрво излегуваме на терен, да видиме каква им е состојбата. Доколку утврдиме дека навистина имаат потреба, веднаш започнуваме со редовно снабдување со јадење“, рече Хусеин искажувајќи голема благодарност до сите хумани луѓе, фирми и организаици што даваат свој придонес со донации.
Организацијата Дава се наоѓа на ул „Светозар Пепоски“ близу „Комуналец“. Оние кои имаат потреба од помош може да ги исконтакрираат и на телефонскиот број 070-665-575.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар