Идеална за недела – Домашна пита со месо

Неделниот ден е секогаш добра прилика да семејството да се собере на заедничка трпеза, а домот да замириса на нешто месено. Денеска за вас издвојуваме еден едноставен рецепт за превкусна домашна пита со месо.

состојки:

4 јајца

1 филџан јогурт

4 филџани брашно

1 филџан масло

1 кесичка прашок за пециво

1 лажичка сол

состојки за фил:

300 гр. мелено месо

1 главица кромид

оригано

сол

бибер

2 јајца и 1 филџан кисела павлака за прелив

Подготовка:

Најпрво пропржете го ситно сецканиот кромид во тава со малку масло. Додадете го меленото месо и зачините. За тестото изматете ги јајцата, па додајте јогурт и масло. Потоа измешајте го брашното со прашок за печиво и додадете лажичка сол. Соединете ги смесите и ставете во тепсија. Одозгора нанесете го филот од месо и на крај преливот со измешаните јајца и павлака (рамномерно распоредете го преку месото). Ставете во рерна загреана на 220 степени и печете околу 30 минути.