Иницијатива: Да се преименува Детската болница Козле во чест на д-р Трајче Нешковски

Здружението на лекари специјализанти покрена иницијатива пред раководните и одговорни органи во државата за преименување на детската болница “Козле” во чест на прерано починатиот колега д-р Трајче Нешковски.

„Со овој чекор сакаме да ја подигнеме свеста за неговото дело, големина, заложби и пожртвуваност да помогне на пациентите и луѓето, но и на целиот здравствен систем. Сведоци сме за особеното ангажирање на Трајче Нешковски, од самиот почеток кога беше активно вклучен во работата на КОВИД-19 центарот во Детската болница „Козле“  што дотолку повеќе ја потенцира неговата величина и го отсликува неговиот карактер и душа. Како негови колеги чувствуваме одговорност и потреба постхумно да направиме напори пред општество да ја издигнеме големината на Трајче – како благороден и хуман човек,  здравствен херој, неговото дело да биде етаблирано и признаено, како во лекарската фела, така и во општеството. Да се обидеме неговото дело вечно да остане запаметено меѓу нас, предавајки го неговото наследство на идните генерации.“, нагласуваат од здружението.

Граѓаните може да дадат поддршка преку потпишување на петицијата