Поврзи се со нас

Гостивар

Истече домашната изолација за 11-те лица во Гостивар – немаат симптоми, не се ризик

Никој од единаесетте лица од Гостивар кои беа ставени во домашна изолација по доаѓање од Италија, не развил симптоми на коронавирус и од денес се ослободени од мерката.

„Лицата го поминаа периодот на инкубација од 14 дена, без да покажат симптоми и според тоа не претставуваат ризик ни за домашните, ни за другите околу нив и домашната изолација се укинува. Со оглед дека немаат симптоми, нема да бидат тестирани“, информираат лекарите.

Во текот на вчерашниот ден на гостиварското подрачје имало еден сомнителен пациент за корона, но тестирањето покажало дека е негативен на вирусот.

Во меѓувреме и здравствените установи и институциите постојано повикуваат граѓаните да ги почитуваат препораките и советите за превенција.

Од вчера Владата воведе поригорозни мерки во насока на спречување на ширење на коронавирус.

Забранети се сите јавни и приватни собири, без разлика на обемот и бројката на учесници – концерти, театри, кина, спортски сали, теретани. Кафетериите и рестораните треба да работат со скратено работно време до 18 часот и со преполовен капацитет. Здравствените установи да ги откажат сите интервенции и прегледи, освен итните и неодложни.

Училиштата и градинките остануваат затворени до 24 март, а политичките партии ќе ја прилагодат кампањата согласно препораките за заштита од корона, без митинзи и масовни собири.

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!