Нови 4 заболени од корона во земјава, се прогласува кризна состојба во Дебар и Центар Жупа

Регистрирани се уште 4 заболени со коронавирус во Македонија. Министерот за здравство, Венко Филипче информираше дека се работи за граѓани од Дебар.

„Денес дојдоа материјали за тестирање од Дебар од 10 лица кои се во врска со втора група на претходно хоспитализирани, во домашна изолација и покажале знаци на горнореспираторни заболувања. Од нив четворица се позитивни. Тие ќе бидат префрлени на лекување на Клиниката за инфективни болести. Сите се со лесна клиничка слика.“, изјави министерот.

Поради новонастанатата состојба, Комисијата за заразни болести предложи Владата да прогласи кризна состојба во општините Дебар и Центар Жупа.

Кризната состојба би значела забрана за влез и излез преку блокирање на приодите од страна на полицијата.

Вкупниот број на заболени со корона во земјава е 13.