Изгорело „ауди“ во четири часот утрово

Од засега неутврдени причини, утрово околу четири часот било опожарено возило марка Ауди А4. Пожарот се случил во гостиварското село Градец, а возилото било паркирано во импровизирана гаража.

Како што соопштуваат од полицијата, аудито со гостиварска регистрација е во сопственост на 41 годишен жител на селото, кој го оставил паркирано во гаража пред куќа на неговиот татко. Од огнот целосно изгорела внатрешноста на автомобилот, а биле зафатени и ролетни и фасада на објект што бил во близина. Со интервенција на Противпожарната единица пожарот бил локализиран и угаснат. Повредени немало, а причинетата материјална штета се проценува на околу 8.000 евра.

Утрово бил извршен увид од полициски екипи од каде информираат дека се работи на утврдување на околностите и причините за пожарот.