Измамен гостиварец: Ја запознал по Фејсбук, па и` платил за да му ја вработи девојката

Гостиварец се фатил во мрежа на измамничка и и` дал извесна сума на пари поради ветување за работно место.

СВР Тетово информираше дека вчера (23 јануари) во 19 часот и 45 минути, 23 годишниот Ј.М. од Гостивар пријавил дека во текот на овој месец бил измамен од женско лице од Скопје, со кое претходно се запознал преку Фејсбук. Жената му ветила дека ќе му помогне за вработување на неговата девојка, но дека за тоа ќе треба да и плати 1000 евра.

Тој, според пријавеното, во Гостивар и платил една од договорените рати, меѓутоа скопјанката подоцна не се појавила на договорената средба во Скопје и не се јавувала повеќе, па гостиварецот сфатил дека е измамен и го пријавил случајот.

Полицијата презема мерки за расчистување на случајот.