„И јас имам право да се дружам“ – порачаа децата со посебни потреби

Во пресрет на утрешниот Светски ден на лицата со посебни потреби, 3-ти декември, во Гостивар беа организирани неколку настани посветени на децата со попречености. Тие пак искрено и со чисто срце порачаа дека сакаат да се дружат, да се смеат и да се радуваат исто како и сите други деца.

Средното економско училиште организираше дружење и спортски активности со децата кои го посетуваат гостиварскиот Дневен центар. Настанот се спроведе во рамки на проектот за мировно образование на првата детска амбасада Меѓаши во кој училиштето е вклучено од септември годинава.

Советот на млади на општина Гостивар пак го одбележа 3-ти декември со посета на децата во специјалните паралелки во ОУ „Исмаил Ќемали“ на кои им беа поделени подароци.